乘搭的士

（的士駛往目的地途中）
司機：你係咪返教會?
乘客：喔...係呀.（無論係樣貌, 衣著, 都應該睇唔出自己係一個基督徒嘛...
　　　勉強搵一個原因o既話, 就只有一個好細o既十字架, 掛o係心口...
　　　但係... 周街大把人都用十字架做飾物...）
　　　　　　　　　　＊　　　　　＊　　　　　＊
司機：宜家好似越o黎越多教徒... 我boss都係.
乘客：喔...係呀.
司機：乜咁晏開始o架咩?
乘客：唔同教會有唔同時間嘛. 有o的夜晚都有.
司機：咦, 係咩?
　　　　　　　　　　＊　　　　　＊　　　　　＊
司機：佢地好多都會搭的士, 特別係星期日朝早...
乘客：......
司機：你知啦, 佢地好嚴o架嘛, 咩咩永光堂, 過o左時間就要你返下一堂...
乘客：喔...係呀.（出名... 在於呢個point?!）
　　　　　　　　　　＊　　　　　＊　　　　　＊
司機：廖啟智個仔好似尋日出殯... 外面好多人.
　　　佢地o個o的好似冇咩野... 佢地話去o左另一個地方, 咩...
乘客：佢地會返天家.