小偏頭痛...

中間偏右。

又偏頭痛

左邊.

跑鞋

舊嗰對個底啲膠一塊塊甩落嚟，

準備再跑返，買過對，

今次試mizuno（好多地方都有8折），

下次運動家生日優惠至留意返asics（好似7折）。

之前睇中隻色，周圍都冇碼，

唯有揀另一隻色。

近近哋，喺樓下間運動舖買，

買完返屋企發覺有少少污漬，

拎返落去，職員即刻check有冇另一對，冇。

原來所有碼都係得一兩對。

之後職員用濕布抹咗一陣，淡咗，收貨，

其實唔顯眼，可能落去跑兩轉，其他位置仲污糟。

$632.

偏頭痛

右邊.

Air Jordan 1 Retro High

第一對 jordan brand.  $1099.

2015。重整

由外面到裡面，再由裡面去返外面......

身披閃亮盔甲的武士

一個身披盔甲的武士旅經鄉間，突然在街上聽到女人的哭泣，他馬上會精力充沛策馬飛奔，奔向她的城堡，她正被一隻野獸困住了。勇敢的武士拔劍刺殺野獸，結果公主接受了他。

城堡之門打開了，公主的家人和全鎮的人民都歡迎他，為他慶祝。他受邀住在城中，人民視他為英雄。他和公主戀愛了。

一個月後，武士又出去旅行，回來時，聽到他的愛人公主哭泣求救，另一隻野獸正襲擊城堡。武士抵達時，又拔劍要刺殺野獸。在他跨出步伐前，公主從城堡裡哭喊：〝別用劍，用繩子比較好。〞她丟給他繩子，又好像在示範他該如何使用。他猶豫不決地跟從她的指示，將繩子套上了野獸的頸子，然後用力拉。野獸死了，每個人都很高興。慶祝晚會上，武士覺得自己並沒有立下功勞，因為他用的是她的繩子，而不是自己的劍，他覺得承受不起全鎮人民的信任和讚美，他也覺得沮喪而忘了擦亮自己的盔甲。

一個月後，他又去旅行，隨手帶著劍，公主叮嚀他多保重，並把繩子交給他。他回來時，又看到一隻野獸攻擊城堡，他馬上拔劍往前沖，心裡卻想著，也許可以用繩子，正在猶豫不決時，野獸向他吐火，燒傷他的右臂，他困擾地望向視窗，公主站在窗前向他揮手。

她大叫：〝繩子沒用了，用這包毒藥。〞

她把毒藥丟給他。他把毒藥倒入野獸的嘴裡，野獸立刻死掉。人人欣喜慶祝，但武士卻引以為恥。

一個月後，他又去旅行。隨身帶著他的劍，公主叮嚀他凡事小心，並要他帶著繩套與毒藥。她的建議使他困擾，但還是把繩套和毒藥放在行囊裡。

在旅途的某條街上，他聽到另一個女人的哭泣，他沖去解救她時，心中的沮喪已完全消除，他重新充滿了自信與活力。但在拔劍刺殺野獸時又猶豫起來，他不知道該用劍？用繩套？還是用毒藥？公主會建議他用什麼？

他困惑了好一會兒，隨即他回憶起尚未遇見公主前，身上只帶著劍的情形。他重新建立自信，丟掉繩套和毒藥，以他信任的劍來對付野獸。

最後，他刺殺了野獸，城民都歡欣鼓舞。於是，身披閃亮盔甲的武士再也沒有回到公主身邊，他留在這個城鎮過著快樂的日子。後來他結婚了，但在結婚之前，他確信他的伴侶不知道關於繩套和毒藥的事。

Source: 《男女大不同》（約翰．葛瑞）

好事成雙

尋晚踢波,
今年終於開齋, 可能係連埋上年同前年......  :P
入兩球, 第二球比較特別,
係頭鎚, 冇乜角度, 但係有勁度, 跳起頂, 喺龍門中間眉底入.
阿東左面出波, 落點靚, 頭鎚靚.  哈.
對上一次入呢類波,
好似要數到去中學年代,
我記得係阿Mark開corner,
我喺門前一頂, 個波彈地入.
記得咁清楚, 因為實在冇乜幾可...  :D

2014巴西世界盃16強

科特迪瓦, 意大利, 波斯尼亞,
佢哋有咩共通點?
.
.
.
.
.
.
.
.
.
.
都係被球證踢出局......

Gastroenteritis 腸胃炎

買牆塞

窗簾桿嘅螺絲鬆咗好耐,
終於扚起心肝搞搞佢.

要買兩粒牆塞,
去咗街市,
問其中一間五金舖,
9蚊25粒.
我問老闆娘, 有冇得買少啲, 因為我淨係想要兩粒...
佢諗一諗, 打開工具箱, 拎兩粒送俾我......
我話想俾返錢, 佢笑笑口話唔使...

好人, 呢啲先係街坊生意,
唔似上次愉翠街市嗰間咁...

$9 / 25 * 2 = $0.72
佢送咗7毫子俾我,
不過可能會賺我下一單生意.

買電視機

部37" 三星電視機4年前買,

2年前壞咗, 未過保養, 換咗panel 繼續用,

宜家又壞...

同上次一樣, 畫面白哂...

宜家過咗保養, 決定買過部, 要逃離三星...

決定買 Sony 42" W800B,

去price.com.hk揀下邊間買好.
普遍都比豐澤百老匯嗰啲平二千蚊.

其實都冇乜得揀, 都係撞手神.

初初諗住特登揀貨到收錢嗰啲,
不過之後諗諗下,
其實同落order時過數冇咩分別,
因為收貨嗰陣冇得check完機至俾錢,
要先俾錢送貨工人,
然後等裝機師傅嚟安裝,
如果有問題都係要再call人嚟換.

落order時要求早上送貨,
送貨前一日打電話嚟confirm,
變咗中午...
送貨當日, 等到中午都冇送貨工人電話,
唯有打去shop問下,
收到回覆係order比較多, 可能要下午......
但係過咗幾分鐘, 送貨工人打嚟,
話仲有半個鐘就到......
佢哋啲溝通都好亂下...

反而sony個裝機師傅幾有交帶,
一早打咗電話嚟.

電視機送到,
之後送貨工人問...
部舊電視機仲要唔要, 唔要嘅話可以幫我搬走...
佢真係當我唔識...
我問佢收幾多錢,
佢好似答一百幾十咁上下,
之後我話唔使,
佢再問我心目中有冇價錢,
我答三百,
佢就話唔OK.
之後來回還價咗一兩輪都唔OK.
最後佢準備走, 行去門口, 停低, 回頭話, 三百就三百啦...

之前已經做定research, 睇下回收價幾多,
所以可以企得咁硬.  :)

裝機師傅係一個後生仔,
介紹得幾詳細.
佢走人後, 自己 double check 下,
入factory mode,
check下部機用咗幾耐, 會唔會係陳列品...
係新機.  :)

間 shop 其實 overall 問題不大,
不過下次可能去返上次買老家部電視機嗰間 shop.

要搵下啲 3D BD 嚟試下機.  ;D

延伸:
上門回收
舊電器回收計劃
Sony Service Menu

廁紙架

之前喺旺角買咗個廁紙架 ($148),

尋日終於自己安裝咗.

去街市最近門口嗰間五金舖,

買支石屎鑽咀 ($27),

但係鑽極都鑽唔入.

結果又要落去多次,

買支雲石令梳 ($20).

(有啲搶錢嘅感覺)

先鑽穿塊磚,

再換返石屎鑽咀鑽石屎.

搞掂!

如果把鑽係油壓鑽, 可能會夠力唔使用雲石令梳.

完成圖:

插曲:

用令梳鑽咗一陣,

開始發光發熱, 好似燒著咁,

跟住淋啲水落去鑽先冇嘢.

睇嚟應該報銷...

病

一星期前開始咳,
幾日後嚴重咗,
夜晚因為順路,
去咗大圍一間診所睇醫生,
見醫生唔使一分鐘就出返嚟,
只係望咗兩眼...

食咗3日藥,

同未睇前之別不大......

今朝去咗新城市睇.
見醫生兩分鐘左右,
話氣管炎加少少氣管敏感,
啲藥睇嚟好好多,
不過因為有抗生素,
用保險咭都要加73蚊.

希望快啲好.

update oracle user password with same value

select 'alter user "'||d.username||'" identified by values '''||u.password||''';' c
from dba_users d, sys.user$ u
where d.username = upper('&&username')
and u.user# = d.user_id;

source:

DBAs-Oracle.com

給自己的生日禮物

經 pss 在 nba store 訂了兩件 tee.
$247 和 $290.
一個月後收到.
兩件都是 M 碼, 但大小相差很遠......
細嗰件送俾老婆.  :P

給自己的新年禮物

是腳架... 不是相機...  :)
SLIK SPRINT MINI II GM

香港已經冇代理, 周圍搵過都冇,
最後決定喺Gmarket買~
腳架本身大約 $540,
shipping 大約 $150.

780g, 摺合之後35cm長,
夠輕便.

新一年

2014，由吵架開始。

小事 + 隱藏不滿 + 與期望落差 + 波浪小姐

我只想安靜一下，曬曬太陽，看書逛逛。
也辦不到。



更新：
最後也去了原本計劃的地方。
當然，心情不同了。
晚上也觸發了頭痛。

又發作

偏頭痛(左邊) + 肚痾...
唔知搞乜...

搭巴士睇書?

返工等巴士,

因為想搭一程車, 有位坐, 方便睇書,

所以雖然有兩程嘅車到站但係都冇上,

繼續等一程車.

等咗一陣, 終於有.

巴士行咗一兩個站, 有一班大陸旅客上車, 大聲傾計, 好嘈...

巴士再行多一兩個站, 有一班本地老人家, 都係好嘈...

坐我後排嘅老人家同坐我前排嘅老人家"閒談",

我夾喺中間, 好無奈...

最後冇睇書, 玩下手機, 落車...

可能要改下planning.