賣ip6s+

去返上次先達嗰間,
佢開$2200, 我還$2400,
最終$2300.
如果去dcfever放可能有二千五六,
不過可能又要搞一大輪,
廢事煩.

下次買機,
可能去返 apple store trade in 仲抵玩.

轉贈舊傢俬電器

屋企有啲傢俬電器唔要, 唔算新,
搬去垃圾站好似有啲浪費,
賣又唔係好值錢,
想免費轉送俾有需要人士,
所以post咗啲嘢喺fb一個二手group度.

不過過程都幾艱辛,
主要係因為有啲人話咗要, 約好咗,
最後又話唔要,
搞到我要問完一個又一個.

統計一下,
大部份有留言嘅人我都有send msg去,
總共send咗俾31個人,
8個冇回音,
3個甩底,
其他一係size唔啱 (喺個post本身已寫明size...),
一係日子唔啱,
一係就已經留咗俾其他人.

好多人淨係留言喺度"排" "排" "排"...
好似驚執輸咁,
實際覆佢又冇人應.

上嚟拎嘢嘅人, 多數都正常. ;)
有一個人, 托朋友嚟拎嘢, 事後send msg嚟多謝.
有啲唔該都冇句, 好似老馮, 欠咗佢咁.
有啲上嚟之前send msg好多嘢問, 好似好friendly咁, 嚟到唔多出聲, 判若兩人.

最勁係一個女人嚟搬床架!
初初以為佢有朋友未嚟,
原來佢係自己拆床,
拆咗一陣唔夠力,
幫佢擰咗幾粒螺絲,
然後一齊搬落去預先call咗嘅貨van...
佩服.

一次過見到唔同年齡層嘅人點待人接物,
有趣.

洗冷氣機

上個月某日放工後想搵間水電舖洗冷氣機,
成個街市得返一間未收舖,

點知就中伏...

到咗約定時間唔見人, 遲到...

清洗途中要推啲窗口機返舖洗,
隔咗幾粒鐘至返,
唔知係咪另外做咗幾單生意...

終於洗埋分體式... 但係著唔返......
師傅話部機舊, 電線老化......
佢話搵另一個師傅嚟整, 我問佢使唔使錢, 佢話要...
佢仲劃清界線, 話"我淨係洗冷氣", 言下之意係壞唔壞唔關佢事...

成日都要等佢覆電話, 愛理不理咁.


之後再上去睇, 影咗冷氣機情況啲相俾維修冷氣機嘅師傅睇,
話零件接觸不良, 老化, 如果維修可能整完呢樣壞另一樣, 所以唔建議整.

跟住佢話如果搵佢換冷氣機, 可以平少少, 我問平幾多, 佢話要睇牌子型號.

俾咗型號佢, 過咗成個禮拜, 再追, 終於肯報價, $13800...
正常電器舖都只係開價1萬...

佢明顯唔想做, 淨係識hea我.

唔會再幫襯毅豐.

又一year

上年年頭有啲嘢想plan下做下,
未開始, 仲醞釀緊嘅時候,
有好多不如意嘅事接踵而來...

肺有事, 心有事, 手有事,
連好耐都唔一次嘅旅行都一波三折...

無奈, 挫敗, 憤怒.

成年好似冇乜嘢做過,
個人冇乜進步,
好嘥時間咁.
真係又一day, day day 咁過.

撐住撐住咁過.

唔知今年會點呢...

很爆的weekend

爆完水龍頭,
再爆微波爐,
爆!

賣二手ip6+

灰色, 就嚟過 apple care, $3800.
金色, 仲有1年 apple care, 個角崩咗, $4000.

iTrade好在夠爽,
開價, 還價, 啱心水就即時交易,
唔似街邊搞一大輪.
不過最緊要去之前做定research,
心目中有個價錢,
到時預咗可能要減少少咁.

Your product is ready

部腦擺低一個禮拜多少少,
終於返屋企.

換咗個mon,
冇咗白色嘢,
不過都係會漏光,
上次藍精靈哥哥都解釋咗,
技術問題,
所有用呢個技術嘅mon都係咁,
其他牌子都係,
分別只係嚴唔嚴重.

oled幾時成熟同普及?

apple quality

上年部 ip6+ 新買返嚟,
試下個鏡頭,
發現影白色嘢嗰陣張相個邊會紅紅哋,
拎返去 apple store,
順手試下其他 demo 機,
原來都係咁.

幾個月前買 mbpr,
個 mon 側邊漏光,
跟住要返去換另一部,
仍然有漏光,
不過冇之前咁嚴重.

到早兩日,
部 mbpr 個 mon 中間無端端有一劃好光嘅白色嘢,
睇白色底嘅嘢最明顯,
又要拎返去.

藍精靈哥哥幾 nice,
見到就知問題,
要換 mon,
保養期內免費,
否則要俾5千幾.
擺低 3-5 日,
希望唔會換著個 mon 又嚴重漏光.

係我黑仔,
定 apple 啲 product 質素下降?

wireless sports earbuds

會員價 920,

老闆話全場最平㗎喇,

的確係,

其他舖最平大約 960.

會員價 265,

順手買嚟平時同旅行用.

小偏頭痛...

中間偏右。

又偏頭痛

左邊.

跑鞋

舊嗰對個底啲膠一塊塊甩落嚟，

準備再跑返，買過對，

今次試mizuno（好多地方都有8折），

下次運動家生日優惠至留意返asics（好似7折）。

之前睇中隻色，周圍都冇碼，

唯有揀另一隻色。

近近哋，喺樓下間運動舖買，

買完返屋企發覺有少少污漬，

拎返落去，職員即刻check有冇另一對，冇。

原來所有碼都係得一兩對。

之後職員用濕布抹咗一陣，淡咗，收貨，

其實唔顯眼，可能落去跑兩轉，其他位置仲污糟。

$632.

偏頭痛

右邊.

Air Jordan 1 Retro High

第一對 jordan brand.  $1099.

2015。重整

由外面到裡面，再由裡面去返外面......

身披閃亮盔甲的武士

一個身披盔甲的武士旅經鄉間，突然在街上聽到女人的哭泣，他馬上會精力充沛策馬飛奔，奔向她的城堡，她正被一隻野獸困住了。勇敢的武士拔劍刺殺野獸，結果公主接受了他。

城堡之門打開了，公主的家人和全鎮的人民都歡迎他，為他慶祝。他受邀住在城中，人民視他為英雄。他和公主戀愛了。

一個月後，武士又出去旅行，回來時，聽到他的愛人公主哭泣求救，另一隻野獸正襲擊城堡。武士抵達時，又拔劍要刺殺野獸。在他跨出步伐前，公主從城堡裡哭喊：〝別用劍，用繩子比較好。〞她丟給他繩子，又好像在示範他該如何使用。他猶豫不決地跟從她的指示，將繩子套上了野獸的頸子，然後用力拉。野獸死了，每個人都很高興。慶祝晚會上，武士覺得自己並沒有立下功勞，因為他用的是她的繩子，而不是自己的劍，他覺得承受不起全鎮人民的信任和讚美，他也覺得沮喪而忘了擦亮自己的盔甲。

一個月後，他又去旅行，隨手帶著劍，公主叮嚀他多保重，並把繩子交給他。他回來時，又看到一隻野獸攻擊城堡，他馬上拔劍往前沖，心裡卻想著，也許可以用繩子，正在猶豫不決時，野獸向他吐火，燒傷他的右臂，他困擾地望向視窗，公主站在窗前向他揮手。

她大叫：〝繩子沒用了，用這包毒藥。〞

她把毒藥丟給他。他把毒藥倒入野獸的嘴裡，野獸立刻死掉。人人欣喜慶祝，但武士卻引以為恥。

一個月後，他又去旅行。隨身帶著他的劍，公主叮嚀他凡事小心，並要他帶著繩套與毒藥。她的建議使他困擾，但還是把繩套和毒藥放在行囊裡。

在旅途的某條街上，他聽到另一個女人的哭泣，他沖去解救她時，心中的沮喪已完全消除，他重新充滿了自信與活力。但在拔劍刺殺野獸時又猶豫起來，他不知道該用劍？用繩套？還是用毒藥？公主會建議他用什麼？

他困惑了好一會兒，隨即他回憶起尚未遇見公主前，身上只帶著劍的情形。他重新建立自信，丟掉繩套和毒藥，以他信任的劍來對付野獸。

最後，他刺殺了野獸，城民都歡欣鼓舞。於是，身披閃亮盔甲的武士再也沒有回到公主身邊，他留在這個城鎮過著快樂的日子。後來他結婚了，但在結婚之前，他確信他的伴侶不知道關於繩套和毒藥的事。

Source: 《男女大不同》（約翰．葛瑞）

好事成雙

尋晚踢波,
今年終於開齋, 可能係連埋上年同前年......  :P
入兩球, 第二球比較特別,
係頭鎚, 冇乜角度, 但係有勁度, 跳起頂, 喺龍門中間眉底入.
阿東左面出波, 落點靚, 頭鎚靚.  哈.
對上一次入呢類波,
好似要數到去中學年代,
我記得係阿Mark開corner,
我喺門前一頂, 個波彈地入.
記得咁清楚, 因為實在冇乜幾可...  :D

2014巴西世界盃16強

科特迪瓦, 意大利, 波斯尼亞,
佢哋有咩共通點?
.
.
.
.
.
.
.
.
.
.
都係被球證踢出局......

Gastroenteritis 腸胃炎

買牆塞

窗簾桿嘅螺絲鬆咗好耐,
終於扚起心肝搞搞佢.

要買兩粒牆塞,
去咗街市,
問其中一間五金舖,
9蚊25粒.
我問老闆娘, 有冇得買少啲, 因為我淨係想要兩粒...
佢諗一諗, 打開工具箱, 拎兩粒送俾我......
我話想俾返錢, 佢笑笑口話唔使...

好人, 呢啲先係街坊生意,
唔似上次愉翠街市嗰間咁...

$9 / 25 * 2 = $0.72
佢送咗7毫子俾我,
不過可能會賺我下一單生意.