運動會

羽毛球男雙,
對手係羽毛球會嘅人,
應該有keep住打,
好欣賞佢哋嘅認真,
book咗比比賽早一個鐘嘅場嚟熱身.
我同daniel去到搋咗幾球之後就要正式計分,
熱身不足, 膊頭有少少拉親.

不過,
如果我係呢個級數,
我諗我未必會參加呢個"老少咸宜"嘅比賽囉... :P

輸咗之後,
即刻飛的去籃球比賽嗰邊接力.
去到已經打咗兩場, 剩返一場.
hmm... 如果有人吹得緊啲同準啲會好玩啲. :P
好懷念博士...
懷念上次四(三)角賽...

其實唔太攰,
兩樣運動落場加埋都係半個鐘左右...
天氣有啲焗.

good dinner with fion, sharon and daniel.

進深training

「你做嘢未？」
「做嘢喇... 其實我三字頭喇...」
「你個樣好似比較細.」
「...」

其實,
我自己帶嗰陣,
會眾會唔會以為係青少年主日......

電髮

幫襯屋企樓下嗰間髮型屋,
同髮型師話要大攣, 但電完變咗細攣...
係咪因為太屋村,
對於師奶嚟講呢種已經係大攣??
扣返積分, $565,
下次都係唔去啲咁平既.

打籃球

打波前又肚瀉, 近兩日都係咁.

帝堡個場okay, 最好就係遲趕人走.

小意外, 回防向後行緊嗰陣,
被牛奶踩到隻腳板,
之後向後跌, 後腦落地...
好在地板夠腍. :)
不過隻手撐地下, 手掌有啲腫...
過兩日應該會瘀.

拉線

塊羽毛球拍啲線冇以前咁緊,
拎去上次間舖頭再拉.
BG-80
24~25lbs
$85.
星期五拎得.

Fantasy Sports - 英超足球經理人大賽

上季yahoo足球game好似完咗唔太耐,
但係今晚已經又到社區盾.