印有博彩廣告波衫堅持唔着

簡路迪信仰大晒

近年賭波公司喺球衣心口賣廣告愈嚟愈普遍，AC米蘭、雲達不來梅同米杜士堡等等都係當中例子，不過效力西維爾嘅法國前鋒簡路迪就完全唔認同，事關佢有伊斯蘭教信仰，並唔接受賭博行為，所以拒絕着上印有博彩公司888.com字眼嘅球會波衫出賽，上月底舉行嘅歐洲超級盃，簡路迪特登用膠紙遮住贊助商名字，佢話以後只會穿上冇呢個贊助商標誌嘅波衫比賽。贊助商一向都係球會嘅米飯班主，如果簡路迪堅持己見，唔知會唔會影響自己以後嘅落場機會呢？


貼膠紙~ 佩服~~